Sarkisyanın öldürdüyü iki yaşlı azərbaycanlı qızı Zəhra
05.03.2020 12:09Ermənistan dünən axşam saatlarında Füzuli rayonunun Alxanlı kəndində mülki şəxslərə hücum etdi. Müdafiə Nazirliyinin rəsmi açıqlamasında bildirilir ki, erməni hərbi birləşmələrinin 82 və 120 millimetrlik minaatanlardan və dəzgahlı qumbaraatanlardan açdığı atəş nəticəsində kənd sakinləri 1967-ci il təvəllüdlü Quliyeva Sahibə İdris qızı və 2015-ci il təvəllüdlü Quliyeva Zəhra Elnur qızı həlak olub.
Об этом сообщает Руспрес
Həmişə 2 yaşında qalacaq Zəhra üçün…
Hər gün
pəncərənin önünə qoyardılar onu…
Gülümsər gözlərilə
çöldə qaçdı-tutdu oynayan uşaqlara baxıb
xoşbəxt olardı Aişə.
Bu uzaq dostlarından
yıxılan olanda ağlayardı,
biclik edən görəndə gülərdi…
Hər ad günündə atasından hədiyyə istəyərdi Aişə.
İstəyərdi… hə… Qırmızı ayaqqabı istəyərdi.
Geyinərdi əllərinə xoşbəxt olardı,
sonra gəlinciklərinin ayağına tikərdi
bu qırmızı xoşbəxtliyini…
Gecə pişiklər damdan hoppanıb səs salanda
hövlank oyanardı Aişə…
Əllərinə baxardı…
sonra gülümsəyib mışıl-mışıl uyuyardı.
Hər gün səhərlər yuxusunu danışardı
gözləri qurumuş anasına.
Hamıdan bərk yüyürməyindən…
Gizlənqaç oynamağından,
Qonşu Məhəmmədin onu saatlarla axtarıb
tapa bilməməyindən.
Sonra işıq dolu gözlərini süzdürüb gülümsəyərdi…
Ah, Aişə… Aişə…
Yuxuda ikən televizorda gördüyü qalustuklu baba
Evlərinə bomba atmışdı…
Ah, Aişə… Aişə…
İki gün sonra ayılıb
o balaca, toppuş ayaqlarını tapmamışdı…
Bəxtiyar Elcan
