“Səhliyalı” yoxlamadan uğurla keçdi

Azərbaycanda satılan ətlər cəmiyyət tərəfindən sorğulanmağa başlanılıb.

Об этом сообщает Руспрес

Lakin bu ticarətin arxasında sadəcə bir şəxs dayanmır. Qaldırılmış problemin əhəmiyyətini nəzərə alaraq, ölkənin ət və ət məhsulları istehsalı və satışı ilə məşğul olan ən böyük şirkətlərindən biri Səhliyalı (Markası: “1000 bərəkət, Halal nemət”, “Russkiy Vkus” və s.) “haqqın. az” jurnalistlərinin müraciətlərini qəbul edib.

Saytımız bildirir ki, jurnalistlərə texnologiyanı öz gözləri ilə görmək üçün şərait yaradılıb.

Onlar ət məhsullarının necə hazırlanmasının, saxlanılmasının və paketləşdirilməsinin şahidi olublar. Təkcə bu texnologiya bütün bu işi yerinə yetirə bilir. Nəzarət bütün istehsal boyu müşahidə olunur. Baytarlar  Şamaxı, Ağsu, Sabirabad və digər bölgələrdən gələn heyvanların sağlamlığını yoxlayır. Növbəti mərhələdə artıq ət məhsulları laboratoriyalarda hazır məhsullara çevrilir. Bu məhsul istehlakçılar üçün sadəcə etibarlı deyil, həm də sanitar filtr müayinəsindən keçir.

Laboratoriyanın idarəedicisi İradə Süleymanova bizə məhsulları hazırlayan texnologiyanı, ət və süd məhsullarının necə hazırlandığını göstərib.

O bildirib: “Hazırlanan məhsulların hamısına biz yenidən bu texnologiya sayəsində baxış keçiririk. Məhsullarda olan mikroblara baxırıq. Onlarda olan, salmonella, stafilokok, brusellyoz xəstəliyinin viruslarını  yoxlayırıq. Bunun sayəsində hazır məhsullarda ət antibiotiklərin olması və nitrit səviyyəsinə infeksiyanın qarşısını alırıq. Hazırlanmış ət və süd məhsullarının tərkibini öyrənirik. Ət məhsullarını istehsal və istehlak edən Səhliyalı Alman şirkətinin son “Freund” avadanlıqları ilə təmin olunub.

Bu texnologiyanın işlənməsinə bir o qədər də güc lazım deyil. Hər bir küncdə şlanqlar var. Gün ərzində işçilər tərəfindən bu şlanqlar 25 bar təzyiq altında su ilə yuyulurlar.

Hətta bıçaqlar belə, alman şirkətinə məxsusdur. Filtrlər, yəni havatəmizləyən texnologiyalar sayəsində temperaturun səviyyəsi tənzimlənir. Məhsulların təmizliyi və keyfiyyəti naminə texnologiya güclü olmalıdır, Səhliyalı da olduğu kimi. Məhsulların gigiyenik cəhətdən təmiz olması böyük əhəmiyyət kəsb edir. Burada Basf şirkətinin örtüklərindən istifadə olunur, o da natəmizliyin daxil olmasına şərait yaratmır.

İstehsal olunmamışdan qabaq ət məhsulu 4 dərəcə temperaturda saxlanılır. Uzunmüddətli saxlanılması üçün isə xüsusi olaraq dondurulur. Ət soyuducu kamerada 30 dərəcə temperaturda 6 saat saxlanılır. Mütəmadi olaraq, temperatur 8 dərəcəyə endirilir. Bunun sayəsində əti 12 ay  – 18 dərəcə temperaturda saxlamaq mümkündür.

Həmçinin, ət  islam qaydalarına uyğun olaraq kəsilir və halal məhsuldur. Burada onlayn rejimində kamera fəaliyyət göstərir, bunun sayəsində Standartlaşma Üzrə Dövlət Komitəsi və Qafqaz Müsəlmanları İdarəsində hər an istehsalı izləmək mümkündür.

Burada İslamın qaydalarına uyğun olaraq, hər şeyə xüsusi diqqət göstərilir. Məhsulların istehsalı bötöv bir sistem tərəfindən həyat keçirilir. Buna görə də burada digər ət məhsulları istehsal edən yerlərdən fərqli olaraq, tullantılara rast gəlmək mümkün deyil.

Tullantılar yenidən istehsal olunaraq, dəriləri quşçuluq üçün yenidən emal olunur.

Şirkətdə bu  yaxınlarda dönər istehsalına da başlayıblar.

Dönər ətinin istehsalı üçün Almaniyadan “Yarpaq dönər” adlı avadanlıq gətirilib. Bu texnologiya sayəsində dönər üçün ət istehsalı perspektivli və digər ölkələrə yaxşı ixrac məhsulu, “fast food” ola bilər. Fransız, türk və alman aşpazları bilir ki, Azərbaycanda istehsal olunan ət ən dadlı ətdir. Bu da Azərbaycanın yüksək dad keyfiyyətlərinə malik olduğunu göstərir.

Kolbasa və sosiskaların hazırlanmasında da eyni texnologiya tətbiq olunur. Ekspertlərin dediyi kimi, məhsulların hazırlanmasında yalnız təbii vasitələrdən istifadə olunur.

Gigiyenaya və təmizliyə xüsusi fikir verilir. Böyük çoxfunksiyalı maşın olan “Uçmaq” adı ilə tanınan mexanizm sayəsində kolbasa və sosiskalar hazırlanır. İş gününün sonunda mexanizm yuyucu və isti su ilə təmizlənir. Həmçinin, işçilərin sağlamlığına da xüsusi nəzarət edilir, buna görə də onlar tez-tez müayinə olunurlar.

Çeşidləmə və qablaşdırma zamanı işçilərin istifadə etdiyi əlcəklər və ayaqqabıları dezinfeksiyadan keçir. Bu hal onların istifadə etdikləri əlcəklər, xalatlar, ayaqqabı örtükləri və maskalar üçün də keçərlidir. Sonra ət sıra ilə paketləşdirilir.

Avropa ölkələrində olduğu kimi ət mağazalar şəbəkəsinə paketləşmiş və növbənöv gəlir. Ətin qəssab tərəfindən hazırlanması artıq Böyük Britaniya, Fransa, Almaniya, hətta Türkiyə kimi ölkələrdə də yoxdur. Müasir dövrdə məhsulların təmizlik dərəcəsi nəzərə alınaraq, məhsullar paketləşmiş vəziyyətdə mağazalarda satılır. Buna artıq Azərbaycan da hazırdır.