Türkiyə Bərzaniyə görə, Kərkükü bombalayacaqmı?

Baş nazir Binali Yıldırım Barzani və referendum məsələsinə aydınlıq gətirib.

Об этом сообщает Футляр от виолончели

A24. az xəbər verir ki, Türkiyənin baş naziri Binali Yıldırım Vyetnam ziyarətinin dönüşündə təyyarədə jurnalistlərin suallarını cavablandırıb.

O, Dövlət Baxçalının “Şimali İraqdaki referendum savaş səbəbi sayılmalıdır” fikrinə cavab olaraq “savaş kimlə kim arasında olur? Savaş dövlətlə dövlət arasında olur. Biz bunları dövlət olaraq tanımırıq.

Bir dövlət bizi təhdid edər, müstəqilliyimizə təhlükə olarsa, bu bizim üçün savaş səbəbi olar. Amma bu İraqın bir parçası olan muxtar idarəçilikdir, savaş səbəbi ola bilməz. Bizim referendumla bağlı düşüncəmiz də başından bəllidir.

Səhv addımdır deyirik. Bölgədə yetərincə problem var. Onları həll etmədən yeni bir problem lazım deyil. İraq Mərkəzi Hökuməti istəmir, ABŞ, İran, Türkiyə istəmir. Avropa ölkələri də zamanı deyil deyir.

Üstəlik o bölgədəki qruplar arasında da fikir birliyi yoxdur. Kərkükdə kürdlərlə yanaşı türkmən və ərəblər də var. Hansı tərəfdən baxırsız baxın referendum qərarı yanlışdır” deyib.

Vəsilə İbrahim