Türkiyə indi də Rusiyadan “S-500” kompleksləri alır? – Prezidentdən AÇIQLAMA

A24.Az İTAR-TASS agentliyinə istinadən xəbər verir ki, bu haqda Türkiyə prezidenti Rəcəb Tayyib Ərdoğan çıxışı zamanı bildirib. Prezidentin sözlərinə görə, “S-400″ün alınması barəsində heç bir problem yoxdur: “Birinci mərhələdə birgə istehsal nəzərdə tutulmayıb. Ümid edirik ki, bu ikinci mərhələdən başlayacaq”, – deyə R.T.Ərdoğan vurğulayıb. Ərdoğanın sözlərinə görə, Türkiyə “S-400” üzrə danışıqları bitirmək niyyətində deyil: “Bizim Putinlə (RF prezidenti Vladimir Putin) “S-500″ haqqında da söhbətimiz olub”, – deyə Türkiyə prezidenti bildirib. Qeyd edək ki, Oktyabrın 9-də Türkiyə XİN rəhbəri Mövlud Çavuşoğlu bildirmişdi ki, S-400-lərlə bağlı birgə istehsal olmayacaqsa, Ankara Moskvadan S-400 zenit raket kompleksləri almaqdan imtina edə bilər.