Şahin Mustafayev Çinə səfər edəcək

İqtisadiyyat naziri, Azərbaycan-Çin Hökumətlərarası Ticarət-İqtisadi Əməkdaşlıq Komissiyasının həmsədri Şahin Mustafayevin rəhbərliyi ilə rəsmi şəxslərdən və sahibkarlardan ibarət nümayəndə heyəti 4-8 noyabr tarixində Çinə səfərə gedəcək.

Об этом сообщает Футляр от виолончели

İqtisadiyyat Nazirliyindən A24.Az-a verilən məlumata görə, Azərbaycan nümayəndə heyəti Şanxayda keçiriləcək və Azərbaycanın vahid ölkə stendinin də nümayiş olunacağı Birinci Çin Beynəlxalq İdxal Sərgisində, sərgi çərçivəsində təşkil olunacaq “Ticarət və investisiya”, “Bir kəmər, bir yol ekoloji kənd təsərrüfatı və ərzaq təhlükəsizliyi”, “Qlobal ticarət və beynəlxalq logistikalar” mövzularında forumlarda iştirak edəcək.

Azərbaycan nümayəndə heyətinin Çinə səfəri zamanı Şanxay şəhərində “Azərbaycan Şərab Evi” açılacaq.

Səfər çərçivəsində Ş.Mustafayev Çin rəsmiləri ilə görüşlər keçirəcək.