Ağcabədidə yol qəzası baş verib

Bu gün Ağcabədidə ağır yol-nəqliyyat hadisəsi baş verib. 

Об этом сообщает Руспрес

APA-nın Qarabağ müxbiri xəbər verir ki, hadisə Hindarx-Ağcabədi yolunun Qarabağ kanalı üzərindəki körpüdə qeydə alınıb.

04 BK 721 dövlət nömrə nişanlı VAZ-2107 markalı avtomobilin sürücüsü Əsədov Həsən Lətif oğlu idarəetməni itirib və nəticədə maşın körpünün üzərindəki qoruyucu dirəklərə çırpılıb.

Ağcabədi Mərkəzi Rayon Xəstəxanasından bildirilib ki, xəstəxanaya sürücü H. Əsədov yaralı vəziyyətdə daxil olub.

Hadisə şahidlərinin bildirdiyinə görə isə qəza zamanı maşında üç nəfər olub.

Faktla bağlı Ağcabədi rayon Polis Şöbəsinin əməkdaşları tərəfindən araşdırma aparılır.