Jurnalist Putinni ortda qoldirdi

Rossiyalik jurnalist Ivan Golunovning qo‘lga olinishi va sud hukmidan so‘ng ijtimoiy tarmoqlarda mashhur shaxslardan tortib, oddiy insonlargacha uning himoyasiga chiqmoqda.

Об этом сообщает Футляр от виолончели

Meduza jurnalist-surishtiruvchisi Ivan Golunov giyohvand moddalarni tarqatish bilan shug‘ullanganlikda ayblanmoqda.

Foto: Ivan Golunov sudda (Evgeniy Felьdman, Meduza)

8-iyun kungi sud qaroridan so‘ng ijtimoiy tarmoqlarda rossiyalik foydalanuvchilar tomonidan Golunov ismi 165 ming marta eslab o‘tilgan. Putin esa 136 ming marta eslangan xolos.

Rossiya jurnalistik jamoatchiligi mamlakatning katta shaharlarida 3 kun davomida jurnalistning ozod etilishini yoqlab namoyishlar o‘tkazmoqda. Golunovga nisbatan ayblovlarning olib tashlanishini yoqlab 115 mingga yaqin kishi petitsiya imzolagan.

Foto: Otkritie media

Ma’lumot uchun, Ivan Golunov korrupsiya bilan bog‘liq jinoyatlarni taftish qiladi. U ushbu mavzudagi yuzlab maqola va materiallarning muallifi hisoblanadi. 6-iyun kuni uyida giyohvand moddalarini saqlash aybi bilan qo‘lga olingan Golunov ishi Rossiya huquq-tartibot va sud sohalarining haqqoniyligini so‘roq ostiga qo‘ymoqda.