İngiltərə Arakan üçün BMT-yə müraciət etdi

A24. az xəbər verir ki, İngiltərə Myanmarın Arakan əyalətində müsəlmanlara qarşı edilən zülmlə bağlı BMT- nin Təhlükəsizlik Şurasını təcili toplanmağa çağırıb.

Об этом сообщает Руспрес

Bunu İngiltərənin BMT-dəki daimi təmsilçisi Matthew Rycroft öz sosial media hesabından bildirib. Rycroft “İngiltərə Myanmardakı vəziyyəti sabah müzakirə etmək üçün BMT-nin Təhlükəsizlik Şurasının toplanmasını tələb edib. Arakanda bir müddətdir davam edən problemin həll edilməsi lazımdır” yazıb.

Toplantının sabah olacağı bildirilsə də, BMT-nin Təhlükəsizlik Şurasından hələ də bununla bağlı rəsmi açıqlama verilməyib.

Qeyd edək ki, BMT-nin baş katibi Antonio Guterres də dünən verdiyi açıqlamada Arakanda sivillərin öldürülməsindən çox narahat olduqlarını bildirmişdi.

Vəsilə İbrahim