İran ABŞ vətəndaşlarını ölkəsinə buraxmayacaq

Saytımız Türkiyə mətbuatına istinadən xəbər verir ki, İran ABŞ prezidenti Donald Trampın yeddi müsəlman ölkəsinin vətəndaşlarının ölkəyə girişinin qarşısını alan qərarını ləğv edənə qədər ABŞ vətəndaşlarının İrana girişinin qadağan olunacağını bildirib. İranın Xarici İşlər Nazirliyindən verilən açıqlamada deyilir: “ABŞ-da müsəlmanların bu ölkəyə səyahət etmələrini məhdudlaşdırmaq haqqında verilən qərar müvəqqəti olsa da İslam ölkələrinə, xüsusən İran xalqına qarşı təhqirdir. ABŞ rəhbərliyinin qərarı terrorla mübarizə və Amerika xalqının təhlükəsizliyini təmin etmək iddialarına əsaslandırılsa da bu, düşmənlər və onlara dəstək olanlar üçün böyük “hədiyyə” kimi tarixə düşəcəkdir”.