Odessaya ordu yeridildi

Ukrayna Milli Qvardiyasının “Azov” alayının 300 döyüşçüsü Odessaya göndərilib.

Об этом сообщает Руспрес

Saytımız xəbər verir ki, bu barədə informasiyanı öz feysbuk səhifəsində Odessa qubernatoru Mixail Saakaşvili paylaşıb. Saakaşvili “döyüşçülərin ardını gözləyirik” deyə yazıb.

Bundan öncə Saakaşvili Prezident Poroşenkoya Odessaya Milli Qvardiya yerdilməsi xahişi ilə müraciət etmişdi. Daha 700 əsgərin Odessaya gələcəyi gözlənilir.

Qeyd edək ki, son günlər Odessada stabillik pozulub. Belə ki, şəhərdə yerli hakimiyyət tərəfdarları ilə əleyhdarları arasında toqquşmalar başlayıb. Odessa merinin əleyhdarları onun istefaya getməsini tələb edirlər.

Saakaşvili mer Gennadi Truxanova qarşı cinayət işinin başladılması haqqında əmr verib. O, Truxanovu Odessadakı separatçıların rəhbəri adlandırıb. Bir müddət öncə isə onun müavini Aleksandr Borovik Truxanov və şəhər dövlət şurasının deputatlarının Rusiya vətəndaşlığı olduğunu bəyan edib.