Oğlu ilə yaşayan ananın bütün mal-mülkü yanıb kül oldu

İmişli rayonunun Cavadxanlı kənd sakinləri olan Bayramovlar ailəsinin fərdi evi yanıb.

Об этом сообщает Руспрес

Saytımız “ARB TV”yə istinadən xəbər verir ki, ev sahibi Şəhla Bayramova deyir ki, hadisə onlar evdə olmayan zaman baş verib.

Şəhla Bayramova – ev sahibi: “Bazardan gələndə gördüm ki, evdən tüstü çıxır. Qonşum dedi ki, sobanın tüstüsüdür. Dedim ki, sobanın deyil evim yanır. Biz gəlincə ev yandı”.

Ev sahibi bildirir ki, içəridə olan televizor aparatı, bir neçə gün öncə heyvanını sataraq əldə etdiyi pul, qızıl və başqa əşyalar yanıb. Şəhla Bayramovanın atası Mirqayıb Ağayev isə deyir ki, qışın bu çağında qızının ailəsinin harada yaşayacağı sual altındadır.

Mirqayıb Ağayev – ev sahibinin atası: “Tək uşaqdır. Bir oğlu var. O, da bu gün sabah əsgər gedəcək. Bu ana qışın bu günü harada qalacaq bilmirəm”.

Yanğın nəticəsində ümumi sahəsi 24 kv.m olan ev tamamilə yanıb. Hadisə yerinə İmişli rayonu yanğından mühafizə hissəsinin texnika və canlı qüvvəsi cəlb olunub. Alovun ətrafdakı tikililərə yayılmasının qarşısı alınıb.