Səbail rayonunun su problemi niyə həll edilmir? – Su idarəsi cavab verdi

Səbail rayonu ərazisində su problemli məsələ olaraq qalır. Ömər Faiq Nemanzadə, Elçin Əzizov, Yüzbəy Mürsəlov, Yaşar Bədəlbəyli küçələrində su bir gündən bir, cəmi 2 saat ərzində gəlir.

Об этом сообщает Руспрес

Sakinlərdən A24.Az-ın redaksiyasına daxil olan şikayətdə bildirilir ki,  yay gələndə su çatışmazlığı ən yüksək həddə çatır. 2 saat ərzində verilən su ilə sakinlər çənlərini doldura bilmirlər. Təzyiq aşağı olduğundan su yüksək ərazilərdə yaşayan mənzillərə gedib çatmır.

Məsələ ilə bağlı  Səbail Sukanal İdarəsi ilə əlaqə saxladıq. İdarədən A24.Az-a verilən açıqlamaya görə,  sakinlərə su dövlət tərəfindən təsdiq edilmiş  qrafikə əsasən verilir. “Artıq illərdir sakinlərə bu qrafik əsasında su verilir. Xətlərdə qəza olanda suyun verilmə müddəti 1 saat 40 dəqiqə olur. Digər hallarda isə 2 saat müddətində su verilir. Qrafiklərə əsasən suyun verilmə müddətini artırmaq  qeyri-mümkündür. Əgər suyun verilmə müddətini artırsaq,  digər ərazilərə suyun verilməsində problem yaranacaq. Biz qrafiki dəyişə bilmərik. Problemdən bizim də xəbərimiz var. Amma əlimizdən heç nə gəlmir”.

Vüsalə Əlövsətqızı