Toto Volff: “Biz artıq favorit deyilik”

A24.Az xəbər verir ki, son 3 ildə Mühəndislər Kubokunu asanlıqla qazanan Mercedes AMG komandasının rəhbəri Toto Volff artıq favorit olmadıqlarını etiraf edib: “Əvvəlki uğurlar bu gün qalib gəlməyə kömək etmir. Biz hər mövsüm mübarizəyə sıfırdan başlayırıq və reqlamentdəki ciddi dəyişikliklərdən sonra əvvəlki uğurlarımızın bizə heç bir köməyi yoxdur. Mövsümün əvvəlində favorit idik. Geridə qalan altı yarışda sadəcə üç qələbə qazanmışıq. Lakin bu il problemlər də əvvəlki ilə müqayisədə çox olub. Artıq yarışlarda Mercedes AMG sürücülərinin protokollara başçılıq edəcəklərini əminliklə demək olmaz.

Об этом сообщает Руспрес

Bazada problemlərin həli üçün çox çalışırlar. Bəzilərini tez həll etmək mümkündür, lakin bəziləri də çox vaxt alacaq. Biz əvvəl də uğursuzluqla qarşılaşmışıq və növbəti yarışa ruhdan düşmədən daha güclü hazırlaşmışıq. Xatırlayıram, 2015-ci ildə Sinqapurda yarış istədiyimiz kimi alınmadı, lakin problemlərimizi araşdırdıq, onların üzərində işlədik və Suzukadakı növbəti yarışda qalib gəldik. Monakodakı yarışdan sonra da eyni addımları atmışıq. Biz bilirik ki, mövsüm çox uzundur və bir neçə yarışdan ibarət deyil.

Bunu etiraf etmək çətindir, lakin deməliyəm ki, biz bu il favorit deyilik. Hazırda favorit Ferrari-dir. Onların çox əla maşınları var. Biz sübut etməliyik ki, qələbəyə namizədik. Hələ qarşıda 14 yarış var və biz qisas almağı səbirsizliklə gözləyirik. Ümid edirəm ki, bu həftəsonu Kanadada bəzi çətin suallara cavab tapacağıq”.