Azərbaycan kubokunda yarımfinal cütləri müəyyənləşdi

Bu gün ölkə kubokunda 1/4 final mərhələsinin cavab oyunlarına yekun vurulub.

Об этом сообщает Футляр от виолончели

A24.Az xəbər verir ki, keçiriləcək iki oyunla yarımfinala yüksələcək növbəti cütlük bəlli olub.

Premyer Liqamızın debütantı “Sabah” “Əlincə Arena”da “Qəbələ”ni qəbul edib. Çempionatda işləri yaxşı getməyən Qəbələ təmsilçisi ilk oyunda olduğu kimi cavab görüşündə də eyni hesabla qalib gəlib – 1:0. Bununla da “Qəbələ” yarımfinala yüksəlib.

Günün digər oyununda isə “Qarabağ” kubokun son qalibi “Keşlə”nin qonağı olub. İlk oyunda 1:0 hesabı ilə qalib gələn Ağdam klubu cütün favoriti hesab olunurdu. Görüş 1:1 hesabı ilə başa çatıb və bu, “Qarabağ”ın yarımfinala çıxmasını təmin edib.

Xatırladaq ki, ötən gün keçirilən iki cavab oyunundan sonra “Zirə” və “Sumqayıt” adını yarımfinala yazdırıb.

Azərbaycan kuboku

1/4 final mərhələsi, cavab oyunları

20 dekabr (çərşənbə axşamı)

16:00. “Sabah” – “Qəbələ” – 0:1

Qol:Ceyms Adeniyi, 80

Qırmızı vərəqə: Erik Ramos, 84 (“Sabah”)

İlk oyun: 0:1

Hakimlər: Əliyar Ağayev, Rza Məmmədov, Akif Əmirəli, Rauf Allahverdiyev

“Əlincə Arena”

19:00. “Keşlə” – “Qarabağ” – 1:1

Qollar: Amil Yunanov, 29 (1:0), Miçel, 50 (1:1)

Qırmızı vərəqə: Yakub Jezniçak, 90 (“Qarabağ”)

İlk oyun: 0:1

Hakimlər: İnqilab Mmmədov, Mübariz Haşımov, Rahil Ramazanov, Səbuhi Bayramov

“ASK Arena”

19 dekabr

“Sumqayıt” – “Neftçi” – 0:1

İlk oyun: 2:0

16:00. “Səbail” – “Zirə” -2:3

İlk oyun: 0:1

1/2 finalda qarşılaşacaqlar:

“Sumqayıt” – “Zirə”

“Qəbələ” – “Qarabağ”