Bakıda sərnişin avtobusu belə yandı – VİDEO

Bakının mərkəzində sərnişin avtobusu yanıb. Anidən başlayan yanğın bir anda sərnişin avtobusunu öz ağuşuna alıb.

Hadisə günorta saatlarında, metronun ”Dərnəgül” stansiyasının yaxınlığında qeydə alınıb.

Kadrlardan aydın olur ki, güclü yanğına Fövqəladə Hallar Nazirliyinin yanğınsöndürənləri müdaxilə edib. Qısa zamanda alov söndürülsə də, avtobusa ciddi ziyan dəyib.

Araşdırma zamanı məlum olub ki, yanan avtobus 93 saylı marşurut xəttinə məxsusdur. Xəttin aid olduğu şirkətdən bildiriblər ki, yanğına səbəb avtobusun mühərrik hissəsində baş verən qısaqapanma olub. Xoşbəxtlikdən hadisə baş verən vaxt avtobusda sərnişin olmayıb.

Bu hadisə bir daha avtobusların xidmətə buraxılmadan əvvəl yoxlanılması məsələsini gündəmə gətirib. Kolon rəisi Vüsal Əsgərli deyir ki, həmin avtobus hər gün texniki nəzarətdən keçirilir.

Məsələ ilə bağlı Bakı Nəqliyyat Agentliyindən isə bildirilib ki, hadisənin səbəbləri araşdırılacaq və lazımi tədbirlər görüləcək. (Xəzər TV)