Bu Azərbaycan muğamı alümin qutuda kosmosda uçur – Yadplanetlilər üçün ən gözəl musiqilər – VİDEO

1977-ci ildə Kosmosa buraxılmış iki amerikan kosmik aparatları olan “Voyacer”lər Yer kürəsi barədə məlumatın qalaktikamızın digər sivilizasiyalarına ötürülməsinə yönəldilib.

Об этом сообщает Руспрес

Saytımız xəbər verir ki, bu günə qədər dünya mədəniyyətində ən çox iz qoyan musiqilərin cəm olduğu diskdə Azərbaycan muğamı da yer alıb.

Balabanda ifa olunan “Şur” muğamı hazırda kosmosda dolaşmaqdadır.

Qızıl suyuna salınan videodiskdə 122 slayd var və onlarda ən mühüm elmi bilgilər, Yerin və onun qitələrinin görünüşləri, müxtəlif landşaftlar, insan və heyvan həyatından olan səhnələr, DNT molekulu, onların anatomik quruluşu və bioximik strukturu toplanıb.”Voyacerin” 78% yazıları bir çox mədəniyyətlərin musiqili ifadə formalarına həsr edilib. Klassik qərb musiqisi Baxla (Branderburq konserti N2, “Rondo formasında qavot”, “Temperasiyası yaxşı müəyyən edilmiş klavir”), Betxovenlə (5-ci simfoniya, simli kvartet № 13), Motsartla ( “Sehrli fleyta”) və Stravinskiylə ( “Müqəddəs bahar”) təmsil olub. Yüngül qərb musiqisi isə – Çak Berri ilə (“Johnny B. Goode”), Lui Armstronqla (“Melancholy Blues”) və Kor Villi Jonsonla (“Dark Was the Night”) təmsil olunub.Yalnız qərb musiqisi seçiminin yarısından da azını təşkil edir. Qalan digər yazı isə Hindistan, Yava və Yaponiya klassik musiqisindən, həmçinin 2500 il əvvəl çin bəstəkarı Bo Ya tərəfindən 7 simli Tsisyantsin aləti üçün bəstələnmiş çin əsərindən ibarətdir.

Xatırladaq ki, 1977-ci ildə buraxılmış “Voyacer” 2007-ci il avqustda Günəş sisteminin hüdudlarından kənara çıxıb. Lakin onun yadplanetlilər tərəfindən tapılması və hətta tapılsa belə diskin uzun müddət zədə almaması ehtimalı çox azdır.