Dünya şöhrətli rejissor vəfat etdi

Dünya şöhrətli italyan rejissor Bernardo Bertaluççi vəfat edib.

Об этом сообщает Роспрес

Saytımız xəbər verir ki, 77 yaşlı rejissor bu gün səhər saatlarında  Romada dünyasını dəyişib

Qeyd edək ki, Bertaluççi 16 mart 1940-cı ildə İtalyanın Parma şəhərində doğulub. İtalyan kinorejissor, dramaturq, şair 1960-cı illərdə Jan-Lyuk Qodarın və Pyer Paolo Pazolininin davamçısı olub. Öz filmlərində sosial məsələlərlə intim məqamları incə bir şəkildə əlaqələndirib. Filmlərinin bir çoxunda insan seksuallığının tabu sayılan formalarına — insestə, triolizmə, homoseksuallığa müraciət edib.

“Konformist” (1970) və “Parisdə sonuncu tanqo” (1972), “Mən və sən” , “Xəyalpərvərlər” və digər filmlərilə dünya kinosunda özünəməxsus yol açıb.