“Fənərbağça” Trabzon səfərindən xalsız qayıdır

Türkiyə Superliqasında 13-cü turun oyunları davam edir.

Об этом сообщает Руспрес

A24.Az-ın məlumatına görə, turun maraqlı görüşlərindən biri Trabzonda keçirilib. Burada “Fənərbağça” yerli “Trabzonspor”un qonağı olub. Qarşılaşma İstanbul klubunun 1:2 hesablı məğlubiyyəti ilə yekunlaşıb. Meydan sahiblərinin heyətində 50-ci dəqiqədə Filip Novak, 75-ci dəqiədə Xose Sosa fərqləniblər. Qonaqların qoluna isə Mixael Frey imza atıb.

Qeyd edək ki, 13 turdan sonra 13 xalı olan “Fənərbağça” 15-ci pillədə qərarlaşıb. “Sarı-lacivərdlilər”i autsayder qrupunda yer alan “Akhisar” və “Kayserispor”dan cəmi 1 xal ayırır. Turnir cədvəlinə isə 27 xalla “Başakşəhər” başçılıq edir. “Kasımpaşa” (25 xal) 2-ci, “Qalatasaray” (24 xal) 3-cü, “Beşiktaş” isə (21 xal) 4-cüdür.

Xatırladaq ki, tura bu gün keçiriləcək “Göztəpə” – “Başakşəhər” oyunu ilə yekun vurulacaq.