Şəhriyar Məmmədyarovdan şok açıqlama: “Çox heyf, amma şahmat belə, məni bezdirir”

Beynəlxalq qrossmeyster Şəhriyar Məmmədyarov hazırkı vəziyyətindən gileylənib.

Об этом сообщает Руспрес

Saytımız xəbər verir ki, Ş. Məmmədyarov ona qarşı olan biganə münasibətdən söz açıb, gücünün və səbrinin tükəndiyini deyib. Azərbaycanlı qrossmeyster bu etirazını “Facebook” səhifəsində edib:

“Maqnus Karlsenlə 5 saatdan çox oyun oynadım və açığı, çətin mübarizə oldu. Debütdə böyük üstünlüyüm var idi. Sonda bir az pis vəziyyət aldım və rəqib 5 saat udmağa çalışdı. Buradan belə qərara gəldim ki, 40-45 gün sürən turnirlərə son qoyum. Gərək, az oynayıb, özümdə güc saxlayım. Əlbəttə, bu qədər ard-arda oynamaq biabırçılıqdır. Bu gün jurnalist sual verdi ki, nədir səni bu qədər oynamağa məcbur edən? Utandım “pul” deməyə. Deyə bilmədim ki, mənim kimi peşəkar oyunçunun sponsoru yoxdur. Bütün yarışlara öz hesabıma gəlirəm. Buradakı bütün insanların sponsoru var. Amma sabah yenə oyunum var və gərək hazırlaşam. Çox heyf, amma şahmat belə, məni bezdirir. Yorulmuşam. Sabah yenə oynamaq lazımdır. Arada fikirləşirəm – bu ölkədə məndən güclü nə qədər idmançı var ki, mənə bir sponsor tapılmadı? Azərbaycana sevgim sonsuzdur, amma heyf, mənim gücüm sonsuz deyil. Bir gün mən o Şəhriyar Məmmədyarov olmayacağam. Onda isə bu söhbətlər sadəcə, mənasız olacaq”.

Qeyd edək ki, “Sinquefield Cup” turnirində 8 turdan sonra 5 xal toplayan Fabiano Karuana liderdir. Rusiyalı Aleksandr Qrişuk, azərbaycanlı Şəhriyar Məmmədyarov, ermənistanlı Levon Aronyan və norveçli Maqnus Karlsen 2 – 5-ci yerləri bölüşür. Onların hər birinin aktivində 4,5 xal var. 6-7-ci yerləri hərəyə 4 xalla fransalı Maksim Vaşyö-Laqrav və hindistanlı Vişvanatan Anand tutur. Ardınca 3,5 xalla ABŞ təmsilçisi Uesli So və 3 xalla Hikaru Nakamura qərarlaşıb. Rusiyalı Sergey Karyakin isə 2,5 xalla sonuncudur. Avqustun 27-də başa çatacaq “Sinquefield Cup” turnirinin qalibi 75 min dollar qazanacaq. Ümumi mükafat fondu isə 300 min dollardır.