Tramp Kim Çen Ina “vurulduğunu” etiraf edib

ABŞ prezidenti Donald Tramp bəyan edib ki, o və Şimali Koreyanın lideri Kim Çen In bir-birinə “vurulublar”.

Об этом сообщает Роспрес

Saytımız “Oxu.Az”a istinadən xəbər verir ki, Tramp bunu Qərbi Virciniyada tərəfdarları qarşısında çıxışı zamanı söyləyib.

“Mən də sərt idim, o da, biz gah irəli gedir, gah da geri addımlayırdıq. Amma sonradan bir-birimizə vurulduq. O mənə gözəl məktublar yazdı”, – dövlət başçısı deyib.

ABŞ lideri həmçinin KXDR-dən Amerika əsgərlərinin meyitlərinin qaytarılması və dustaqların azad olunması məsələləri ilə maraqlanmamasına dair məlumatları təkzib edib.

KXDR və ABŞ liderlərinin ilk sammiti iyunun 12-də baş tutub. Nəticələrə əsasən Trampın “vacib və hərtərəfli” adlandırdığı sənəd imzalanıb.