UEFA “Qarabağ”ın gəlirini açıqladı – RƏSMİ
05.03.2020 14:12Bu gün UEFA 2017/18 mövsümü üçün Çempionlar Liqasının iştirakçısı olan klubların gəlirlərini açıqlayıb.
Об этом сообщает Руспрес
A24.Az-ın qurumun saytına istinadən yaydığı xəbərə görə, ötən mövsüm ÇL-in qrupunda oynayan Azərbaycan çempionu “Qarabağ”ın ümumi gəliri 16 milyon 819 min avro təşkil edib.
Ağdam klubu göstərilən məbləğin 2 milyonunu pley-offa, 12 milyon 700 min avronu qrupa vəsiqə qazandığına görə qazanıb. Daha 1 milyon gəlir qrupdakı nəticələrə (iki heç-heçə), 1 milyon 119 min avro isə marketin gəlirlərinə görə əldə edilib.
Xatırladaq ki, “Qarabağ” Çl-i qrupunda “Çelsi” (İngiltərə), “Roma” (İtaliya) və “Atletiko” (İspaniya) klubları ilə mübarizə aparıb. Komanda 6 oyundan 2 xalla (“Atletiko” ilə hər iki matçda heç-heçə) qrupda sonuncu yeri tutub.
