Мирзиёев: «Тошкент вилояти иккига бўлиниши мумкин»

Президентимиз Шавкат Мирзиёевнинг Тошкент вилоятига ташрифи давом этмоқда. Айни чоғда Тошкент вилояти ҳокимлигида Президент Шавкат Мирзиёев раислигида видеоселектор йиғилиши бошланди.

Об этом сообщает Руспрес

Йиғилиш кескин танқидий руҳда бошланди. Кадрлар сиёсати, вилоятнинг географик тузилиши, қолоқлик кескин танқид қилинмоқда.

– Тошкент вилояти иккига бўлиниши мумкин, – деди Президент. – Навоий вилояти 100 % кластерга ўтган. Вилоятда қишлоқ хўжалиги жуда танг аҳволда. Халқ депутатлари маҳаллий Кенгашига ҳоким раис бўлмайди. Депутатларга 2 йилда катта имкониятлар бердим. Фақат қўл кўтаради. Раҳбар ватанпарвар бўлиши керак, халқпарвар бўлиши керак! Қайси биринглар халқни яхши кўрасизлар?! Хатони кечираман, хиёнатни кечирмайман. Пора олдими, тамом, у қамалади. Мен бугун таклиф эшитгани келганман. Менга мақтов керакмас. Қани илм, қани ташаббус, қани янгилик?