Ərinin əmisi oğlu ilə qaçan gəlin son vəziyyətindən danışdı: “Qızım üçün darıxıram…” – VİDEO

Bir neçə ay əvvəl Qubanın Tülər kəndində ərinin əmisi oğluna qoşulub qaçan  Aynur Dadaşova A24.Az-a açıqlama verib. O, sanki baş verənlərin qorxunc yuxu olduğunu və aldığı psixoloq dəstəyi sayəsində özünə gəldiyini bildirib.

Об этом сообщает Футляр от виолончели

Aynur ən çox uşaqlarını görmək istədəyini, qızı üçün çox darıxdığını qeyd edib. Onun sözlərinə görə, baş verənlərdən dolayı hədsiz peşmançılıq hissi keçirir:

“Mən istəmədən ailə həyatı qurmuşdum. Heç cür yola gedə bilmirdik. Məni demək olar ki, hər gün döyürdü. Bilirdi ki, onu istəmirəm. Buna görə də məni döymək üçün hər dəfə bir bəhanə tapırdı. Onunla keçən hər ana görə özümə nifrət edirdim. Boşanmağa qoymurdu. Əl çəkmirdi məndən. Sonra o insanla tanış oldum. Mən onu 4 ildir sevirdim. Bunu heç kimə onun özünə də bildirmirdim. Sonra bizim münasibətimiz yarandı. Gizlin görüşüb danışırdıq. Onunla görüşəndə özümü çox xoşbəxt hiss edirdim. Bir gün mənə dedi ki, “mənimlə qaçmaq istəyərsən?” Mən də düşündüm və qaçmağa qərar verdim. Gəldik, Bakıda bir gecə qaldıq. Səhər getdi rayona. Yenidən Bakıya qayıdanda onu izləyib, qaldığımz yeri öyrəndilər. 6 nəfər gəlmişdi bizim arxamızca. Bizi maşına qoyub rayona apardılar. Rayona çatanda yoldaşımın dayısıgillə polisə getdik. Qalanları isə kəndə getdilər. Mən polisdə olanda eşitdim ki, onu döyüb öldürüblər. Sonunun belə olacağını bilsəydim, etməzdim”.